Өскеменде кәсіпкерлер тұрақ ережелерін өзгертуге қол жеткізді

2023 жылғы 12 Шілде

- Шығыс Қазақстан облысы

7214 просмотров

Шығыс Қазақстан облысының Кәсіпкерлер палатасында облыс орталығының даңғылдары мен орталық көшелерінің бойына тыйым салу белгілерін орнатуға байланысты мәселенің оң шешімі туралы айтылды.

Естеріңізге сала кетейік, облыс орталығының магистральдық және орталық көшелерінің бойына тыйым салу белгілерін орнатуға байланысты маусым айының соңында Өскеменнің 40-тан астам кәсіпкері ШҚО Кәсіпкерлер палатасының Кәсіпкерлер құқығын қорғау және сыбайлас жемқорлыққа қарсы іс-қимыл кеңесінің отырысына келген болатын. Атап айтқанда, Абай даңғылы, Шәкәрім даңғылы, Бурова, Бажова көшелері және басқа көшелер туралы сөз болды. Жүздеген бизнес субъектілері бір түнде өз табыстарының басым бөлігінен айырылды. Клиенттерге айыппұл салынып, олар жанына көліктерін қоюға болмайтын дүкендерге, салондарға, қонақ үйлерге, шеберханаларға барудан бас тартты, ал өнім жеткізушілер тиеп жөнелту үшін аулаларға, аркаларға және аулааралық аумақтарға кіріп, кептеліс жасап, жергілікті тұрғындардың наразылығын тудырды.

ШҚО Кәсіпкерлер палатасына бірінші болып, атап айтқанда бизнес-омбудсмен өкілі Әлия Мұқашеваға осы мәселе бойынша «Есдери» ЖШС директоры Ерік Ағзамов өтініш білдірді. Кеңесте «Турист» қонақ үйінің, «Гарант-Сервис» телерадиомастерлік орталығының және Абай даңғылының бойында орналасқан басқа да нысандардың өкілдері сөз сөйледі. Сонымен қатар, Шәкәрім даңғылындағы «Галит» базарының және Буров көшесіндегі адвокаттық кеңсенің өкілдері сөз сөйледі. Бұған дейін кәсіпкерлер Жол полициясы басқармасына да, облыс орталығының әкімдігіне де хабарласқан болатын, бірақ өз мәселесін шешуге қол жеткізе алмаған.

Кеңес барысында барлық тараптар тыңдалғаннан кейін Жол полициясы басқармасы мен Өскемен қаласының әкімдігіне бірқатар ұсыныстар жасалды, соның ішінде аталған даңғылдар мен көшелерде көлік құралдарының қозғалысы ережелерін қайта қарау және кәсіпкерлердің коммерциялық нысандарының жанында тұрақтау мүмкіндігі қарастырылды. Сонымен қатар, ШҚО прокурорының бірінші орынбасары Мейрам Таутенов Сыбайлас жемқорлыққа қарсы қызметпен бірлесіп мәселені шешу жолдарын әзірлеуге уәде берді. Ол көп күттірген де жоқ!

12 шілдеде құрамында Өскемен қаласы прокуратурасының бөлім бастығы Бекжан Мүрсәлімов, қалалық Полиция басқармасының ЖКИО бастығы Сергей Коваленко, тұрғын үй-коммуналдық шаруашылық бөлімі басшысының орынбасары Ержан Ибраев және ШҚО Кәсіпкерлер палатасы директорының құқықтық мәселелер жөніндегі орынбасары Әлия Мұқашева бар жұмыс тобы осы мәселе бойынша жедел шешім қабылдады.

«Мемлекеттік органдардың өкілдері белгіленген орындарға рейд жүргізіп, бірінші болып «Старт» дүкені мен «Пицца Блюз» кафесі мәселесін шешті. Енді «Аялдауға тыйым салынады» белгісінің астында сағат 17: 00-ден 09: 00-ге дейін әрекет ету уақыты белгіленді. Сонымен қатар, «Есдери» ЖШС директорына дүкеннің жанына өзінің «қалтасын» орнату туралы шарт қойылды, оған прокуратура мен АҚМ тарапынан толық көмек көрсетіледі. Кәсіпкер риза болып, дереу автотұрақты ұйымдастырумен айналысуға ниетті», – деді Әлия Мұқашева.

Бизнес-омбудсменнің өкілі сондай-ақ, Михаэлис көшесінен Абай даңғылына бұрылғаннан кейін тыйым салу белгісі трамвай аялдамасына жақын жерге тасымалданып жатқанын, бұл көліктерді «Гарант-Сервис» телерадиомастериясының алдына қоюға мүмкіндік беретінін хабарлады.

Шәкәрім даңғылының бойындағы «Галит» базарының жанында жағдай қиындау. Бұл жүріс бөлігінде әр жаққа екі жолақ қана өтеді, сондықтан оң жақ шеткерін тұраққа қалдыруға болмайды. Алайда базардың жанында бірнеше автокөлік орналасуы мүмкін «қалта» бар. Сондай-ақ бұл шағын тұрақ бар Бажова көшесіндегі жүріс бөлігіне де қатысты.

«Буров көшесін де тексеріп, жағдайды шешу бойынша шаралар қабылдайды. Онда әр жаққа үш жолақ бар, сондықтан бұл тыйым салатын белгілерді ауыстыру немесе олардың әрекет ету уақытын «Старт» дүкеніндегідей белгілеу мүмкін. Оның үстіне онда «қалталарды» жайластыру мүмкіндігі бар. Осы мақсат үшін тротуар жеткілікті», – дейді Әлия Мұқашева.

Осылайша, бизнес проблемасы ШҚО Кәсіпкерлер палатасының прокуратурамен, Сыбайлас жемқорлыққа қарсы қызметпен және жергілікті атқарушы органмен тығыз қарым-қатынасында өз шешімін табады.