Өскемендегі автотасымалдаушылар әкімшілік кедергіге тап болады
Салық органдары «Вебас» ЖШС-ға корпоративтік табыс салығы мен қосылған құн салығының сомасын төмендету туралы хабарлады.
Кәсіпкер мұнымен келіспейді және құқығы мен заңды мүддесін қорғауға жәрдем көрсетуді сұрайды.
ШҚО Кәсіпкерлер палатасында кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңестің отырысында бұл өтініш салық органдары және прокуратура органдарымен бірлесіп қаралды.
ШҚО бойынша Мемлекеттік кірістер департаменті өкілдерінің ақпараты бойынша, уәкілетті органдар, бұл жағдайда Өскемен қаласының ТКШ, жолаушылар көлігі және автомобиль жолдары бөлімінің мәліметтерін салыстыра отырып, ай, тоқсан үшін белгілі бір тариф бойынша тасымалданған жолаушылар саны және салық төлеушінің салық есептілігін қарағанда, кәсіпкер сомаларды төмендеткені анықталды.
«Тасымалдаушы табысының шығыс бөлігімен толық келіседі, бірақ сонымен бірге кіріс бөлігін мойындамайды», - деп түсіндірді ведомствода.
Сонымен қатар, «Вебас» ЖШС өкілі кәсіпорын жолаушылардан қолма-қол ақша алған кірістің бір бөлігін ғана есепке ала алады деп мәлімдейді. Қолма-қол ақшасыз төлем банкке және ТКШ бөліміндегі барлық ақпаратқа кетеді, олар осының негізінде субсидия төлейді.
«Тексеру қорытындысы бойынша салық органынан біз қорытынды болуға жарамайтын хабарлама алдық, ал акт жоқ. Ведомство басқа салық төлеушілердің салық құпиясына сілтеме жасайды, - деп түсіндірді тасымалдаушы. - Тиісінше, сотқа жүгінуге мүмкіндік жоқ».
Кеңес төрағасы Игорь Шацкий салық органдары тарапынан түсінбеушілік болғанын айтады.
«Өскемен – электрон билетке көшкен санаулы қалалардың бірі, - деді ол. - Бұл қазір әлеуметтік шиеленіс туындайтын инвестициялық жоба».
Сыбайлас жемқорлыққа қарсы комитет барлық мән-жайларды анықтауға қосылуға және сыбайлас жемқорлық тәуекелдеріне қатысты мәселені қарауға дайын екенін білдірді.
Айта кету керек, Өскеменнің әлеуметтік маңызы бар маршруттарына қызмет көрсететін басқа тасымалдаушылар да салық органынан осындай хабарлама алды.
Кеңес отырысының қорытындысы бойынша ШҚО бойынша Мемлекеттік кірістер департаментіне «Вебас» ЖШС қатысты әкімшілік рәсімді тоқтату мүмкіндігін қарастыру ұсынылды.
ШҚО Кәсіпкерлер палатасы тасымалдаушыға көмек көрсетеді.
Пікір қалдыру:
Пікірлер: